مغربہ کولمبیا میں زلزلے سے ہلاکتوں کی تعداد 254 ہوگئی، مزید اضافے کا خدشہ

مغربی کولمبیا میں شدید زلزلے سے تباہ کاریوں کا سلسلہ جاری ہے جہاں ہلاکتوں کی تعداد بڑھ کر 254 ہو گئی ہے، جبکہ حکام نے ہلاکتوں میں مزید اضافے کا خدشہ ظاہر کیا ہے۔ زلزلے کے دوسرے روز بھی ریسکیو ٹیمیں بھاری مشینری اور جدید آلات کی مدد سے متاثرہ عمارتوں کے ملبے تلے دبے افراد کو نکالنے کی کوششوں میں مصروف ہیں۔ مقامی حکام کے مطابق اب تک 100 سے زائد آفٹر شاکس ریکارڈ کیے جا چکے ہیں جس کی وجہ سے امدادی کاموں میں شدید دشواری کا سامنا ہے اور شہریوں کو کو متاثرہ عمارتوں سے دور رہنے کی ہدایت کی گئی ہے۔ متاثرہ علاقوں میں عمارتوں کو شدید نقصان پہنچا ہے اور بڑے پیمانے پر مالی نقصان کے جائزے کے ساتھ ساتھ زخمیوں کو طبی امداد کی فراہمی جاری ہے۔