آج کا پاکستان مضبوط اور دفاع ناقابل تسخیر ہے: مریم نواز

وزیرِ اعلیٰ پنجاب مریم نواز نے یومِ دفاع اور شہدائے پاکستان کے موقع پر اپنے خصوصی پیغام میں کہا ہے کہ آج کا پاکستان پہلے سے کہیں زیادہ مضبوط اور اس کا دفاع مکمل طور پر ناقابلِ تسخیر بن چکا ہے۔ انہوں نے 1965ء کی جنگ کے شہدا، غازیوں اور پاک فوج کے تمام افسران و جوانوں کو قوم کی جانب سے زبردست خراجِ تحسین پیش کیا۔ مریم نواز نے کہا کہ پاک فوج نے ثابت کیا کہ جنگیں صرف ہتھیاروں کے بل بوتے پر نہیں بلکہ پختہ ایمان، شجاعت اور عزمِ مصمم سے جیتی جاتی ہیں۔ انہوں نے مزید کہا کہ ‘آپریشن رد الفساد’ اور دہشت گردی کے خلاف جنگ میں پاک فوج نے پیشہ ورانہ مہارت کے اعلیٰ اور نئے معیار قائم کیے ہیں، جبکہ پوری قوم سرحدوں اور ملک کے اندر امن و سلامتی کے لیے معرکہ آرا جوانوں کی سلامتی اور کامیابی کے لیے دست بہ دعا ہے۔