ظلم کے باوجود عمران خان اور پی ٹی آئی کارکن ڈٹے ہوئے ہیں: سہیل آفریدی

شہدادکوٹ: وزیراعلیٰ خیبرپختونخوا سہیل آفریدی نے کہا ہے کہ تمام تر ظلم و جبر کے باوجود بانی پاکستان تحریک انصاف (پی ٹی آئی) اور پارٹی کے تمام ورکرز مضبوطی سے ڈٹے ہوئے ہیں، اور بانی پی ٹی آئی اس وقت عدلیہ اور عوام کی طرف دیکھ رہے ہیں۔

سندھ کے شہر شہدادکوٹ میں ایک عوامی ریلی سے خطاب کرتے ہوئے وزیراعلیٰ سہیل آفریدی نے کہا کہ ماضی میں انہیں بتایا گیا تھا کہ اندرونِ سندھ صرف ایک ہی سیاسی جماعت کا وجود ہے، لیکن آج شہدادکوٹ آ کر حقیقت معلوم ہوئی کہ یہاں بھی عوام کا حقیقی اعتماد صرف پی ٹی آئی پر ہے۔ انہوں نے تشویش کا اظہار کرتے ہوئے کہا کہ عدالتی احکامات کے باوجود بانی پی ٹی آئی کا شفاء ہسپتال سے مناسب اور علاج نہیں کروایا جا رہا، جس سے عدالتی نظام پر سوالات اٹھ رہے ہیں۔

اپنے خطاب میں وزیراعلیٰ خیبرپختونخوا نے کارکنوں کو متحرک کرتے ہوئے 27 ستمبر کی احتجاجی کال کے لیے نکلنے کا عہد لیا۔ خاندانی سیاست پر تنقید کرتے ہوئے ان کا کہنا تھا کہ تحریک انصاف واحد جماعت ہے جہاں مڈل کلاس کا ایک عام بندہ وزیراعلیٰ بن سکتا ہے، جبکہ دوسری سیاسی جماعتوں میں پہلے والد، پھر بیٹی اور پھر بیٹا ہی اقتدار کی مسند پر بیٹھتے ہیں