آبنائے ہرمز میں ایک کارگو جہاز پر چھوٹی کشتیوں نے حملہ کیا ہے، یو کے ایم ٹی او

برطانیہ کے میری ٹائم ٹریڈ آپریشنز (UKMTO) نے اطلاع دی ہے کہ آبنائے ہرمز میں ایک کارگو جہاز کو متعدد چھوٹی کشتیوں نے حملے کا نشانہ بنایا ہے۔ یہ واقعہ ایرانی بندرگاہ سرک کے مغرب میں تقریباً 11 ناٹیکل میل کے فاصلے پر اس وقت پیش آیا جب جہاز شمال کی جانب سفر کر رہا تھا۔ غیر ملکی خبر ایجنسی کی رپورٹ کے مطابق، خوش قسمتی سے کارگو جہاز کے عملے کے تمام ارکان اس حملے میں محفوظ رہے ہیں اور کسی قسم کے ماحولیاتی اثرات یا نقصان کی اطلاع موصول نہیں ہوئی ہے۔