پرچے لیک ہونے سے متعلق غلط معلومات پھیلانے سے گریز کیاجائے، کیمبرج کنٹری ہیڈ

کیمبرج کنٹری ہیڈ عظمیٰ یوسف  نےکہا ہےکہ ہم  پیپرلیک ہونے سے متعلق تمام الزامات کی تحقیقات کرتے ہیں،  پرچوں کے لیک  ہونےکی انفرادی رپورٹس  پرکوئی تبصرہ  نہیں کرتے، واقعی کوئی مسئلہ ہو تو ہم مناسب وقت پراسکولز کو آگاہ کرتے ہیں۔

عظمیٰ یوسف کا کہنا تھا کہ  لوگوں سے درخواست ہے صرف کیمبرج کے  آفیشل بیانات پر اعتمادکریں، غلط معلومات پھیلانے  سےگریزکریں،کیونکہ یہ طلبہ کے لیے بہت نقصان دہ ہوتا ہے۔

انہوں نے کہاکہ افواہوں اور غیر مصدقہ خبروں سے طلبہ میں بے چینی پیدا ہوتی ہے، پرچہ لیک سے متعلق کسی بھی پیشرفت سے اسکولز کو براہِ راست آگاہ کیا جائے گا۔