بات پکی ہوئی نہ منگنی، بلاول بھٹو بھی جعلی خبروں پر بول پڑے

پاکستان پیپلز پارٹی کے چیئرمین بلاول بھٹو زرداری نے سوشل میڈیا پر اپنی منگنی اور شادی سے متعلق گردش کرنے والی تمام خبروں کی باضابطہ تردید کر دی ہے۔ سماجی رابطے کی ویب سائٹ ’ایکس‘ (ٹوئٹر) پر جاری کردہ اپنے ایک ویڈیو بیان میں انہوں نے مسکراتے ہوئے کہا کہ سوشل میڈیا نے نہ صرف ان کی بات پکی کروا دی بلکہ منگنی اور شادی بھی رچا دی، حالانکہ درحقیقت ایسا کچھ نہیں ہوا ہے۔ بلاول بھٹو نے واضح کیا کہ نہ ان کی کوئی بات پکی ہوئی ہے، نہ منگنی ہوئی ہے اور نہ ہی وہ کسی ‘پرنسز گلوریا’ نامی خاتون کو جانتے ہیں۔ ان کا مزید کہنا تھا کہ سوشل میڈیا پر اس طرح کے ڈرامے اور تماشے محض عوام کی توجہ حقیقی اور اہم ملکی مسائل سے ہٹانے کے لیے کیے جاتے ہیں۔