صدر سے بلاول بھٹو کی طویل ملاقات، سندھ کی تقسیم پر پارٹی مؤقف پر ڈٹنے رہنے کا فیصلہ

پاکستان پیپلزپارٹی کے چیئرمین بلاول بھٹو زرداری نے صدرِ مملکت آصف علی زرداری کی رہائش گاہ پر ان سے ایک اہم اور طویل ملاقات کی۔ یہ ملاقات تقریباً 5 گھنٹے جاری رہی، جس میں بختاور بھٹو زرداری بھی اپنے بچوں کے ہمراہ موجود تھیں۔ اجلاس کے دوران ملک کی مجموعی سیاسی و انتظامی صورتِ حال، بالخصوص فریال تالپور کی حالیہ تقریر کے پسِ منظر پر تفصیلی تبادلہ خیال کیا گیا۔ ملاقات کے دوران پیپلزپارٹی کی اعلیٰ ترین قیادت نے متفقہ طور پر یہ فیصلہ کیا کہ “سندھ کی تقسیم” کے حساس معاملے پر پارٹی کے روایتی اور آئینی موقف پر مکمل طور پر قائم اور ڈٹے رہا جائے گا