بلوچستان کے ضلع قلات میں سکیورٹی فورسز کی کارروائی، 12 دہشت گرد جہنم واصل

پاک فوج کے شعبہ تعلقات عامہ (آئی ایس پی آر) کے مطابق بلوچستان میں آپریشن ردالفتنہ 3 کے تحت سکیورٹی فورسز کی کامیاب اور مؤثر کارروائیاں جاری ہیں۔ سکیورٹی فورسز نے ضلع قلات میں بھارتی پراکسی فتنہ الہندوستان کے دہشت گردوں کے ٹھکانے کا سراغ لگا کر انٹیلی جنس بیسڈ آپریشن کیا، جس کے نتیجے میں 12 دہشت گرد جہنم واصل ہو گئے۔ علاوہ ازیں، ضلع کھچی بھاگ میں بھی فورسز نے بروقت اقدام کرتے ہوئے دہشت گردوں کا بزدلانہ حملہ ناکام بنا دیا، جس کے دوران متعدد حملہ آور مارے گئے اور ان کے ٹھکانوں سے بھاری مقدار میں اسلحہ، گولہ بارود اور آئی ای ڈیز (IEDs) کو موقع پر ہی تباہ کر دیا گیا۔