اسمبلیاں جب چاہیں گی دو تہائی اکثریت سے نئے صوبے بن جائیں گے: اعظم نذیر تارڑ

وفاقی وزیر قانون اعظم نذیر تارڑ نے لندن میں میڈیا سے گفتگو کرتے ہوئے کہا ہے کہ پارلیمنٹ اور صوبائی اسمبلیاں جب چاہیں گی، دو تہائی اکثریت کے ذریعے نئے صوبے تشکیل دے سکتی ہیں۔ انہوں نے مزید بتایا کہ وزیراعظم کئی بار اپوزیشن کو مذاکرات کی دعوت دے چکے ہیں۔ آزاد کشمیر کی صورتحال پر بات کرتے ہوئے وزیر قانون کا کہنا تھا کہ وہاں سب سے بڑا چیلنج انتخابات کا انعقاد تھا جو پرامن اور شفاف انداز میں مکمل ہو چکے ہیں، جبکہ آزاد کشمیر کے وزیراعظم کا انتخاب کرنے کا حق میاں نواز شریف کو حاصل تھا۔