7 ستمبر شجاعت، غیرت اور پاک فضائیہ کے لازوال معرکوں کا تاریخ ساز دن

7 ستمبر شجاعت، قومی غیرت اور پاک فضائیہ کے لازوال معرکوں کا وہ تاریخ ساز دن ہے جو ہر پاکستانی کا سر فخر سے بلند کر دیتا ہے۔ 1965ء کی جنگ ہو یا تاریخ کا کوئی بھی کٹھن امتحان، پاک فضائیہ کے شاہینوں نے ہمیشہ دشمن کے عزائم کو خاک میں ملایا ہے۔ 1965ء میں ایئر کموڈور سجاد حیدر کی قیادت میں پٹھان کوٹ ایئربیس پر تباہ کن حملے میں بھارتی ایئر فورس کے متعدد طیارے زمین پر ہی تباہ کر دیے گئے، جبکہ سرگودھا کے محاذ پر اسکواڈرن لیڈر ایم ایم عالم نے محض ایک منٹ کے اندر دشمن کے 5 جنگی طیارے مار گرانے کا عالمی ریکارڈ قائم کیا۔

پاک فضائیہ کے شاہینوں کی یہ شجاعت و مہارت تاریخ کا وہ روشن باب ہے جس پر پوری قوم کو ناز ہے۔ جرأت، حکمتِ عملی اور اعلیٰ تربیت کی یہ روایت آج بھی اسی جذبے کے ساتھ برقرار ہے۔ 2025ء کے معرکے میں بھی پاک فضائیہ نے روایتی حریف بھارت کو 0-6 سے تاریخی اور ذلت آمیز شکست دے کر دنیا پر واضح کر دیا کہ جنگ کا میدان ہو یا دفاعِ وطن، فتح ہمیشہ فولادی عزم کی ہوتی ہے۔ پاک فضائیہ کے یہ جری شاہین ہر دور میں قوم کا غرور اور فتح و کامرانی کا نشان ثابت ہوئے ہیں۔