احسن اقبال نے ملک میں 15 نئے صوبوں کی تجویز دیدی

وفاقی وزیر برائے منصوبہ بندی و ترقی احسن اقبال نے ملک میں انتظامی بہتری اور خدمات کی فراہمی کو یقینی بنانے کے لیے 15 نئے صوبے بنانے کی اہم تجویز پیش کر دی ہے۔ میڈیا سے گفتگو کرتے ہوئے وفاقی وزیر نے اعتراف کیا کہ موجودہ سیاسی و انتظامی سسٹم عام آدمی کو ڈلیور کرنے میں ناکام ہو رہا ہے، اس لیے موجودہ تمام صوبوں کو تین تین حصوں میں تقسیم کر دیا جانا چاہیے۔ انہوں نے مطالبہ کیا کہ اس اہم قومی معاملے پر غور کے لیے ایک اعلیٰ سطحی جائزہ کمیٹی تشکیل دی جائے تاکہ ملک بھر میں باقاعدہ سیاسی و قومی بحث کا آغاز ہو سکے۔