افغانستان یونائیٹڈ فرنٹ کی طالبان رجیم کیخلاف 68 کارروائیاں،102 اہلکار ہلاک

افغانستان میں طالبان حکومت کے خلاف مسلح مزاحمتی گروہوں کی کارروائیوں کے دائرہ کار میں مسلسل وسعت دیکھنے میں آ رہی ہے، جہاں ستمبر کے مہینے میں افغانستان یونائیٹڈ فرنٹ (AUF) نے طالبان انتظامیہ کے خلاف مجموعی طور پر 68 کارروائیاں کیں، جن کے نتیجے میں 102 طالبان اہلکار ہلاک اور 48 زخمی ہوئے ہیں۔ متعدد صوبوں میں جاری ان کارروائیوں کے دوران طالبان کے عسکری ڈھانچے، سیکیورٹی چوکیوں، گاڑیوں اور انٹیلی جنس مراکز کو شدید نقصان پہنچایا گیا ہے۔

تازہ ترین اطلاعات کے مطابق افغانستان یونائیٹڈ فرنٹ (AUF)، نیشنل ریزسٹنس فرنٹ (NRF) اور نیشنل اسلامک فرنٹ (NIF) کی حالیہ کارروائیوں میں طالبان کے مزید 23 اہلکار ہلاک اور 15 زخمی ہوئے ہیں۔ مختلف اضلاع اور صوبوں میں آپریشنز بڑھانے کا دعویٰ کرتے ہوئے ان مزاحمتی تنظیموں نے اعلان کیا ہے کہ طالبان حکومت کے عسکری و انٹیلی جنس انفراسٹرکچر کے خلاف کارروائیوں کا یہ سلسلہ آئندہ بھی جاری رکھا جائے گا۔