LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ

روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ

Web Desk

18 November 2026

روسی وزارت خارجہ کی ترجمان ماریہ زخارووا نے واضح الفاظ میں کہا ہے کہ یورپی ممالک یوکرین تنازع کے حل کے لیے امن مذاکرات پر صرف اسی صورت میں بات کرنے کو تیار ہیں جب روس کے بنیادی مفادات کو پہلے ہی نظرانداز کر دیا جائے، تاہم ماسکو اس قسم کے یکطرفہ مذاکرات کو ہرگز قبول نہیں کرے گا۔

روسی وزارت خارجہ کی ترجمان ماریہ زخارووا نے جرمن وزیر خارجہ یوہان وادیفول کے حالیہ بیانات پر سخت ردعمل دیتے ہوئے کہا کہ ان کے خیالات یورپ کی اسی روایتی پالیسی کی عکاسی کرتے ہیں جس کے تحت امن مذاکرات میں روس کے سیکیورٹی مفادات کو کوئی اہمیت نہیں دی جاتی۔ قبل ازیں جرمن وزیر خارجہ یوہان وادیفول نے روس کے ساتھ امن کے معاملے پر بامقصد مذاکرات شروع کرنے کے لیے آمادگی ظاہر کرتے ہوئے کہا تھا کہ روس کو یہ حقیقت سمجھنی چاہیے کہ یوکرین تنازع میں میدان جنگ میں کامیابی حاصل کرنا ممکن نہیں اور اس مسئلے کا مذاکرات کے ذریعے جلد از جلد حل تلاش کرنا ضروری ہے۔

ماریہ زخارووا نے سوشل میڈیا پلیٹ فارم ٹیلی گرام پر جاری اپنے بیان میں کہا کہ جرمن وزیر خارجہ کے بیانات ایک ہی فرسودہ سوچ کو دہراتے ہیں کہ یورپ امن کے بارے میں صرف تبھی بات کرے گا جب روس کے مفادات کو ایک طرف رکھ دیا جائے۔ انہوں نے دوٹوک الفاظ میں کہا کہ ایسا ہرگز نہیں ہوگا کیونکہ یہ حقیقی مذاکرات نہیں بلکہ سفارتی زبان میں لپیٹا گیا ایک الٹی میٹم ہے، اور اس قسم کی سوچ کسی مثبت نتیجے تک نہیں پہنچ سکتی۔

روسی ترجمان نے یوکرینی صدر ولادیمیر زیلنسکی کے اس بیان کا بھی حوالہ دیا جس میں انہوں نے جرمنی کو یوکرین کا سب سے بڑا دفاعی شراکت دار قرار دیا تھا۔ ماریہ زخارووا کے مطابق جرمن وزیر خارجہ یوہان وادیفول نے خود بتایا ہے کہ جرمنی 2022ء سے اب تک یوکرین کو صرف فوجی امداد کی مد میں 55 ارب یورو فراہم کر چکا ہے تاکہ وہ کیف کا سب سے بڑا معاون ملک بنا رہے۔ انہوں نے الزام عائد کیا کہ یہ خطیر رقم انسانی ہمدردی کے پروگراموں یا یوکرین کی تعمیرِ نو کے لیے نہیں بلکہ ایسے مہلک ہتھیاروں کی فراہمی کے لیے دی گئی ہے جو روسی شہروں اور بے گناہ شہری آبادی کو جان بوجھ کر نشانہ بنانے کے لیے استعمال ہو رہے ہیں۔

ماریہ زخارووا نے مزید کہا کہ جرمن وزیر خارجہ اس سے قبل نومبر 2026ء میں ابوظہبی میں یوکرین کے معاملے پر ہونے والے سہ فریقی مذاکرات کے بارے میں بھی شکوک و شبہات پیدا کر چکے ہیں، جہاں انہوں نے سوال اٹھایا تھا کہ آیا روس واقعی سنجیدہ مذاکرات چاہتا ہے یا یہ محض فوجی کارروائیوں سے توجہ ہٹانے کا ایک نمائشی اقدام ہے۔

انہوں نے طنز کرتے ہوئے کہا کہ جرمن وزیر خارجہ کی سفارت کاری کا دہرا معیار یہ ہے کہ اگر ماسکو امن کی بات کرتا ہے تو اسے نمائشی اقدام قرار دیا جاتا ہے اور اگر روس خاموش رہتا ہے تو کہا جاتا ہے کہ وہ مذاکرات نہیں چاہتا۔ حقیقت یہ ہے کہ جرمنی نے خود مذاکرات سے انکار کیا تھا اور سابق جرمن چانسلر گیرہارڈ شروڈر کو یورپ کی جانب سے روس کے ساتھ مذاکرات کے لیے نمائندہ مقرر کرنے کے امکان کی بھی برلن نے سخت مخالفت کی، جس کے نتیجے میں یورپ ایک بار پھر روس کے ساتھ براہِ راست سفارتی رابطے سے محروم ہو گیا۔ آخر میں ماریہ زخارووا نے کہا کہ اس کے باوجود یورپی ممالک ایسے مذاکراتی فارمولے پیش کر رہے ہیں جن میں ماسکو سے توقع کی جاتی ہے کہ وہ یورپی شرائط کو خاموشی سے تسلیم کر لے گا۔