فرانس کا حوثیوں پر دباؤ بڑھانے، سعودیہ پر حملے بند کرنے کا مطالبہ

فرانس کی وزارتِ خارجہ نے دوٹوک الفاظ میں کہا ہے کہ یمن کے حوثی گروہ پر بین الاقوامی دباؤ میں مزید اضافہ کیا جانا چاہیے تاکہ وہ خطے میں بالخصوص سعودی عرب کے خلاف اپنے حملے اور جارحانہ اقدامات فوری طور پر بند کریں۔

فرانسیسی وزارتِ خارجہ کے ترجمان پاسکل کونفاورو (Pascal Confavreux) نے میڈیا سے گفتگو کرتے ہوئے واضح کیا کہ پیرس کا مؤقف انتہائی واضح ہے کہ حوثیوں کو ایسے تمام حملے اور ناقابلِ قبول اشتعال انگیز کارروائیاں روکنے پر مجبور کیا جائے، جو نہ صرف سعودی عرب کی سرزمین بلکہ مجموعی طور پر خطے کے امن کو نشانہ بنا رہی ہیں۔

یہ اہم بیان فرانس کی جانب سے یمن کے حوثی گروہ کو یورپی یونین کی شدت پسند تنظیموں کی فہرست میں شامل کرنے کی ممکنہ حمایت یا اس سے متعلق پوچھے گئے ایک سوال کے جواب میں سامنے آیا ہے۔