بانی پی ٹی آئی سے ملاقات سیر حاصل رہی، ان کا بلڈ پریشر خوفناک حد تک زیادہ ہے: سردار لطیف کھوسہ

سردار لطیف کھوسہ نے اڈیالہ جیل میں بانی پی ٹی آئی سے 3 سے 4 گھنٹے طویل ملاقات کے بعد میڈیا سے گفتگو کرتے ہوئے بتایا کہ ملاقات میں بشریٰ بی بی بھی موجود تھیں اور بانی سے ان کی صحت اور مقدمات پر تفصیلی بات چیت ہوئی۔ انہوں نے انکشاف کیا کہ بانی پی ٹی آئی کی آنکھ کا مسئلہ برقرار ہے جبکہ ان کا بلڈ پریشر خوفناک حد تک زیادہ تھا، تاہم ان کے ارادے مکمل طور پر مضبوط اور وہ مستعد نظر ائے۔ لطیف کھوسہ کا کہنا تھا کہ 28ویں ترمیم سمیت تمام اہم معاملات پر گفتگو ہوئی ہے اور کل ملاقات کی تمام تفصیلات جاری کی جائیں گی۔ انہوں نے مزید کہا کہ عدالت نے کم از کم ایک گھنٹے کی ملاقات کا حکم دیا تھا لیکن گفتگو سیر حاصل ہونے کے باعث وقت زیادہ لگا۔