خطے کو چیلنجز درپیش، بھارت قانون کی حکمرانی پر یقین نہیں رکھتا، اعظم نذیر تارڑ

وفاقی وزیر قانون اعظم نذیر تارڑ نے کہا ہے کہ خطے کو اس وقت متعدد سنگین چیلنجز کا سامنا ہے، جبکہ بھارت قانون کی حکمرانی اور عالمی پاسداری پر یقین نہیں رکھتا۔ اسلام آباد میں مارگلہ ڈائیلاگ سے خطاب کرتے ہوئے انہوں نے زور دیا کہ دو ایٹمی صلاحیت کے حامل ممالک کے درمیان پائیدار امن کے قیام کے لیے بین الاقوامی معاہدوں اور قوانین پر سختی سے عمل درآمد ناگزیر ہے۔ اعظم نذیر تارڑ نے کہا کہ خطے میں استحکام اور توازن برقرار رکھنے کے لیے بھارت کو بین الاقوامی معاہدوں، قوانین اور عالمی اصولوں کا احترام کرنا ہوگا۔