بانی پی ٹی آئی سے لطیف کھوسہ، بیرسٹر سلمان صفدر کی اڈیالہ جیل میں ملاقات

اسلام آباد ہائیکورٹ کے حکم پر بانی پی ٹی آئی سے ان کے وکلاء لطیف کھوسہ اور بیرسٹر سلمان صفدر نے اڈیالہ جیل میں اہم ملاقات کی، جس کے لیے دونوں وکلاء گاڑی میں سوار ہو کر جیل کے اندر داخل ہوئے۔ جیل میں داخلے سے قبل میڈیا سے گفتگو کرتے ہوئے بیرسٹر سلمان صفدر نے کہا کہ یہ ملاقات مکمل طور پر قانونی مقدمات کے حوالے سے طے کی گئی ہے اور اس میں کوئی سیاسی گفتگو نہیں کی جائے گی۔ انہوں نے واضح کیا کہ ملاقات کا بنیادی مقصد بانی پی ٹی آئی کے خلاف درج مختلف مقدمات کے سلسلے میں قانونی حکمتِ عملی مرتب کرنا اور ان سے آئندہ کی ہدایات حاصل کرنا ہے۔