شہباز شریف کی ایرانی صدر سے ملاقات، علاقائی امن کیلئے سفارتی روابط جاری رکھنے پر اتفاق

ترکیہ کے شہر انطالیہ میں اقوامِ متحدہ کی موسمیاتی تبدیلی کانفرنس (COP31) کے سربراہی اجلاس کے موقع پر وزیراعظم محمد شہباز شریف اور ایران کے صدر ڈاکٹر مسعود پزشکیان کے درمیان اہم ملاقات ہوئی۔ ملاقات میں وفاقی وزیر اطلاعات عطاء اللہ تارڑ، سینیٹر شیری رحمان اور اعلیٰ حکام بھی موجود تھے۔ دونوں رہنماؤں نے دیرینہ دوطرفہ تعلقات کو مزید مضبوط بنانے اور جون 2026 کی اسلام آباد مفاہمتی یادداشت پر عملدرآمد آگے بڑھانے کے عزم کا اظہار کیا۔ وزیراعظم شہباز شریف نے علاقائی تنازعات پر تشویش ظاہر کرتے ہوئے مذاکرات اور سفارتی روابط کے ذریعے امن و استحکام کی ضرورت پر زور دیا۔ ایرانی صدر مسعود پزشکیان نے پاکستان کی سفارتی حمایت اور خطے میں سلامتی کے لیے کوششوں کو سراہتے ہوئے کہا کہ ایران پاکستان کے ساتھ مشترکہ تاریخ اور ثقافت پر مبنی تعلقات کو مزید وسعت دینے کا خواہاں ہے۔