ابوظہبی مذاکرات اختتام پذیر، روس اور یوکرین کا قیدیوں کے تبادلے پر اتفاق

روس، امریکا اور یوکرین کے درمیان ابوظہبی میں ہونے والے اہم سہ فریقی مذاکرات اختتام پذیر ہو گئے ہیں، جن میں یورپی سلامتی اور روس یوکرین جنگ کے خاتمے سے متعلق اہم امور پر تبادلہ خیال کیا گیا۔ روسی وفد کے سربراہ کے مطابق مذاکرات خوشگوار ماحول میں ہوئے اور دونوں فریقین کے درمیان قیدیوں کے تبادلے پر اتفاق ہو گیا ہے، تاہم حتمی معاہدے تک تفصیلات خفیہ رکھی جائیں گی۔ دوسری جانب امریکی ایلچی جیرڈ کشنر نے بتایا کہ وہ اسٹیو وٹکوف کے ہمراہ جمعرات کو روسی صدر ولادیمیر پیوٹن سے ملاقات کریں گے، جس کے بعد ڈبلن میں یوکرینی صدر ولودیمیر زیلنسکی سے بھی اہم بات چیت ہو گی۔ ادھر کریملن نے اعلان کیا ہے کہ صدر پیوٹن یورپی یونین اور جرمن چانسلر کے ساتھ براہِ راست رابطے کے لیے تیار ہیں۔