بانی پی ٹی آئی اور وکلاء کی ملاقات کل سہ پہر تین بجے ہوگی: ذرائع کا دعویٰ

بانی پاکستان تحریک انصاف (پی ٹی آئی) اور ان کی قانونی ٹیم کے درمیان ملاقات کا وقت اور طریقہ کار طے پا گیا ہے۔ باوثوق ذرائع کے مطابق اسلام آباد ہائیکورٹ کے احکامات کی روشنی میں ایڈووکیٹ جنرل اسلام آباد نوید ملک بانی پی ٹی آئی اور ان کے وکلاء کے درمیان ملاقات کا باقاعدہ انتظام کریں گے۔ اس سلسلے میں ایڈووکیٹ جنرل نوید ملک اور قانونی ٹیم کے درمیان بدھ کے روز سہ پہر 3 بجے اہم ملاقات ہو گی، جس میں سینئر قانون دان لطیف کھوسہ اور بیرسٹر سلمان صفدر شرکت کریں گے۔ ملاقات کے دوران بانی پی ٹی آئی سے قانونی مشاورت اور عدالت عالیہ کے احکامات کے عملدرآمد پر تبادلہ خیال کیا جائے گا۔