پشاور: کھیتوں سے لا کر زہریلی مشروم پکانے پر 3 معصوم بہن بھائی جاں بحق، والد سمیت دیگر اہلخانہ کی حالت تشویشناک

پشاور کے نواحی گاؤں شاہ ٹاؤن میں کھیتوں سے لائی گئی زہریلی جنگلی مشروم کھانے سے 3 معصوم بہن بھائی جاں بحق ہو گئے، جبکہ بچوں کے والد محمد طاہر سمیت دیگر اہلخانہ شدید متاثر ہوئے ہیں۔ علاقہ عمائدین کے مطابق گھر کے قریب کھیتوں سے لائی گئی مشروم پکانے اور کھانے کے بعد پورا خاندان کی حالت اچانک غیر ہو گئی، جنہیں تشویشناک حالت میں فوری طور پر اسپتال منتقل کیا گیا۔ اس افسوسناک واقعے کے بعد علاقے میں شدید خوف و ہراس پھیل گیا ہے، جبکہ جنگلی اور غیر تصدیق شدہ مشروم کے استعمال سے لاحق جانلیوا خطرات اور عوامی آ گاہی کے حوالے سے جڑواں شہروں و مضافاتی علاقوں میں سنگین سوالات کھڑے ہو گئے ہیں۔