خیبر پختونخوا اور آزاد کشمیر میں زلزلے کے جھٹکے، شدت 5.3 ریکارڈ

خیبر پختونخوا اور آزاد کشمیر کے مختلف اضلاع اور گردونواح میں زلزلے کے شدید جھٹکے محسوس کیے گئے، جس کے باعث شہریوں میں خوف و ہراس پھیل گیا۔

اطلاعات کے مطابق سوات، ہری پور، لوئر دیر، باجوڑ، مالاکنڈ اور وادی نیلم سمیت ملحقہ علاقوں میں زلزلے کے شدید جھٹکے محسوس کیے گئے۔ زلزلے کے خوف سے لوگ کلمہ طیبہ کا ورد کرتے ہوئے گھروں اور دکانوں سے باہر نکل آئے۔

زلزلہ پیما مرکز اسلام آباد کے مطابق ریکٹر اسکیل پر زلزلے کی شدت 5.3 ریکارڈ کی گئی، جبکہ اس کی زیرِ زمین گہرائی 112 کلومیٹر تھی۔ زلزلے کا مرکز کوہِ ہندوکش کا پہاڑی سلسلہ تھا۔ زلزلے کے شدید جھٹکوں کے باوجود تاحال کسی بھی علاقے سے جانی یا مالی نقصان کی کوئی مصدقہ اطلاع موصول نہیں ہوئی ہے