یورپی یونین کا روس کیخلاف 22واں پابندی پیکیج، 1500 سے زائد افراد اور کمپنیاں نشانے پر

یورپی یونین (EU) کے سفیروں نے روس کے خلاف پابندیوں کے 22ویں تاریخی پیکیج پر حتمی اتفاق کر لیا ہے، جس کے تحت روس کے دفاعی و تکنیکی شعبے سے منسلک 1500 سے زائد افراد اور کمپنیوں کو بلیک لسٹ کرنے کی منظوری دی گئی ہے۔ یوکرین میں روس کے خصوصی عسکری آپریشن کے آغاز کے بعد سے کسی ایک پیکیج کے تحت اتنی بڑی تعداد میں افراد و اداروں کو بلیک لسٹ کرنے کا یہ سب سے بڑا اقدام ہے، جس سے یورپ کی موجودہ روسی بلیک لسٹ میں تقریباً 50 فیصد کا نمایاں اضافہ ہو جائے گا۔

یورپی ذرائع کے مطابق پابندیوں کی زد میں آنے والے اداروں اور شخصیات پر یورپی یونین میں داخلے کی پابندی اور ان کے تمام اثاثے منجمد کر دیے جائیں گے، جبکہ یورپی شہریوں و کمپنیوں کو ان کے ساتھ کاروبار سے روک دیا گیا ہے۔ دوسری جانب ایسٹونیا نے سٹریٹجک اہمیت کے مواد کی فراہمی کے پیشِ نظر ایک روسی کمپنی کو عارضی استثنیٰ دینے کی درخواست کی ہے، جبکہ لتھوانیا نے روسی غذائی اجناس کی یورپی راہداریوں سے ترسیل پر مکمل پابندی کا مطالبہ کیا ہے۔