روسی افواج کے یوکرینی ریڈارز، ڈیٹا سینٹرز اور فوجی تنصیبات پر حملے

روسی وزارتِ دفاع کے مطابق روسی افواج نے یوکرین کے پولتاوا اور اوڈیسا ریجنز میں اہم فوجی تنصیبات، ریڈار سسٹمز، بندرگاہوں اور ڈیٹا سینٹرز کو نشانہ بنایا ہے۔ گیران ڈرونز اور میزائلوں سے کیے گئے ان حملوں میں اوڈیسا کی الیچیفکا بندرگاہ پر راکٹوں اور میزائلوں کا گودام جبکہ چرنومورسک اور ازمائل بندرگاہوں پر عسکری و دوہرے استعمال کا سامان لے جانے والے بحری جہازوں اور تنصیبات کو نقصان پہنچایا گیا۔ روسی کارروائیوں کے دوران کیف سمیت مختلف شہروں میں پارکووی، یوکرٹیلی کام، گیگا، پوڈولسکی اور اومیگا ٹیلی کام کے چار اہم ڈیٹا سینٹرز کو بھی نشانہ بنایا گیا، جس کے نتیجے میں اومیگا ٹیلی کام نے اپنی سرگرمیاں معطل کرنے کا اعلان کر دیا ہے۔ دوسری جانب یوکرینی ذرائع اور میڈیا کے مطابق حملوں کے بعد کیف میں دریائے دنیپر کے پلوں کی جانب جانے والی شاہراہوں پر شدید ٹریفک جام دیکھا گیا ہے اور شہریوں کی بڑی تعداد شہر چھوڑ کر جا رہی ہے۔