ایران جنگ: برطانیہ میں ڈیزل کی قیمت ریکارڈ سطح پر پہنچ گئی

امریکا اور ایران کے درمیان جاری جنگ کے معیشت پر شدید اثرات کے باعث برطانیہ میں ڈیزل کی اوسط قیمت تقریباً 2 پاؤنڈ فی لیٹر کی ریکارڈ سطح پر پہنچ گئی ہے۔ عرب میڈیا کے مطابق 5 اکتوبر کو ختم ہونے والے ہفتے کے دوران برطانیہ میں ڈیزل کی اوسط قیمت 199.52 پینس فی لیٹر ریکارڈ کی گئی ہے۔ اس حالیہ اضافے نے جولائی 2022 میں روس اور یوکرین جنگ کے دوران قائم ہونے والا سابقہ ریکارڈ بھی توڑ دیا ہے، جب ڈیزل کی قیمت 199.22 پینس فی لیٹر تک پہنچی تھی۔ نئی قیمت سابقہ ریکارڈ کے مقابلے میں 0.30 پینس فی لیٹر زیادہ ہے، جس سے برطانوی صارفین پر مہنگائی کا بوجھ مزید بڑھ گیا ہے۔