اقوام متحدہ کے سیکرٹری جنرل انتونیو گوتریس کا دورہ پاکستان، نائب وزیراعظم اسحاق ڈار کے ہمراہ مشترکہ پریس کانفرنس

نائب وزیراعظم اور وزیر خارجہ اسحاق ڈار نے اسلام آباد میں اقوام متحدہ کے سیکرٹری جنرل انتونیو گوتریس کے ہمراہ مشترکہ پریس کانفرنس سے خطاب کرتے ہوئے عالمی و علاقائی صورتحال پر تفصیلی گفتگو کی۔ اسحاق ڈار نے اس موقع پر مقبوضہ جموں و کشمیر پر بھارت کے غیر قانونی اور یکطرفہ اقدامات کے ساتھ ساتھ سندھ طاس معاہدے کی معطلی اور پانی کو ہتھیار بنانے کی کوششوں سے سیکرٹری جنرل کو آگاہ کیا۔ اس موقع پر انتونیو گوتریس نے پاکستان کی جانب سے افغان مہاجرین کی میزبانی اور عالمی امن مشنز میں کردار کو سراہتے ہوئے کہا کہ پاکستان کا اقوام متحدہ میں ایک خصوصی مقام ہے۔ سیکرٹری جنرل نے امریکہ اور ایران کے درمیان تنازع میں پاکستان کے مصالحانہ کردار کو سراہتے ہوئے اسے پاکستان کی قابلِ اعتماد حیثیت کا مظہر قرار دیا، جبکہ فلسطینی عوام کے حقوق اور غزہ میں فوری امن منصوبے پر عمل درآمد کی ضرورت پر بھی زور دیا۔