سائبیریا میں سائنسی تجربہ گاہ میں خاتون محقق کی ہلاکت، علاقے میں شدید خوف و ہراس

سائبیریا کی ایک انتہائی حساس سائنسی لیبارٹری میں 28 سالہ خاتون محقق داریا شوپیلووا (Darya Shopilova) کی ناگہانی ہلاکت کے بعد خطے میں شدید خوف و ہراس پھیل گیا ہے، جس کے نتیجے میں حکام نے بڑے پیمانے پر قرنطینہ نافذ کر دیا ہے۔ رپورٹس کے مطابق 2 اکتوبر 2026ء کو انتقال کرنے والی سائنس دان نے موت سے قبل ہسپتال کے عملے کو بتایا تھا کہ لیبارٹری میں تحقیق کے دوران ان سے ایک ٹیسٹ ٹیوب ٹوٹ گئی تھی، جس میں طاعون (Plaque) کا انتہائی خطرناک اور زندہ حیاتیاتی نمونہ موجود تھا۔

اگرچہ روسی محکمہ صحت نے باضابطہ طور پر طاعون کی تصدیق کرنے کے بجائے اسے “غیر معمولی اور نامعلوم قسم کا نمونیا” قرار دیا ہے، تاہم مقامی سطح پر ہنگامی احتیاطی تدابیر اختیار کر لی گئی ہیں۔ وائرس یا بافتوں کے ممکنہ پھیلاؤ کو روکنے کے لیے خاتون کے قریبی ساتھیوں اور طبی عملے سمیت 200 سے زائد افراد کو فوری طور پر قرنطینہ (Quarantine) کر کے طبی نگرانی میں لے لیا گیا ہے۔ اس کے علاوہ قریبی صنعتی و ایلومینیم پلانٹس کے ملازمین کے لیے ماسک کا استعمال لازمی قرار دیا گیا ہے۔ عالمی ادارہ صحت (WHO) اور امریکی صحت کے حکام نے ممکنہ وبائی خطرے کو مدنظر رکھتے ہوئے اس واقعے کی قریبی نگرانی شروع کر دی ہے۔