اسرائیل کی فائرنگ اور گولہ باری سے 2 بچوں سمیت 6 فلسطینی زخمی

غزہ کی پٹی میں اسرائیلی افواج کی تازہ فائرنگ، ڈرون حملوں اور گولہ باری کے نتیجے میں مزید 6 فلسطینی شہری شدید زخمی ہو گئے ہیں، جن میں دو بچے بھی شامل ہیں۔ طبی ذرائع کے مطابق شمال مغربی غزہ کے علاقے ’السودانیہ‘ میں اسرائیلی بحری جہازوں کی جانب سے کی جانے والی فائرنگ سے ایک خاتون کے سر میں شدید چوٹ آئی، جبکہ جنوبی غزہ میں خان یونس کے مغربی علاقے ’المواصی‘ پر اسرائیلی ڈرون حملے میں ایک شہری اور ناصر میڈیکل کمپلیکس کے قریب مزید چار افراد زخمی ہوئے جن میں بچے بھی شامل ہیں۔

فلسطینی طبی حکام کے مطابق گزشتہ 24 گھنٹوں کے دوران غزہ بھر سے مختلف ہسپتالوں میں 6 مزید شہادتیں اور 26 زخمی منتقل کیے گئے۔ ذرائع نے تصدیق کی ہے کہ غزہ کی پٹی پر جاری اسرائیلی جارحیت اور جنگ کے آغاز سے لے کر اب تک مجموعی طور پر شہید ہونے والے فلسطینیوں کی تعداد 74,243 تک پہنچ گئی ہے جبکہ زخمیوں کی کل تعداد 175,232 ہو چکی ہے۔