دشمن کی نئی غلطی کا منہ توڑ جواب دیں گے، ایرانی آرمی چیف

ایرانی آرمی چیف جنرل امیر حاتمی نے خبردار کیا ہے کہ دشمن کی کسی بھی نئی غلطی کا انتہائی منہ توڑ جواب دیا جائے گا اور اسے کچل دیا جائے گا۔ انہوں نے کہا کہ اگرچہ جنگ میں جانی نقصان ہوتا ہے، لیکن یہ جنگ ایران کے لیے عزت اور فخر کا باعث بنی ہے۔ جنرل امیر حاتمی نے مزید کہا کہ فوجی محاذ پر ناکامی کا سامنا کرنے کے بعد اب دشمن نے پابندیوں، معاشی دباؤ اور ملک میں عدم تحفظ اور بدامنی پھیلانے کے ہتھکنڈے شروع کر رکھے ہیں، تاہم ایران کسی بھی نئی جارحیت کا بھرپور مقابلہ کرنے کے لیے مکمل طور پر تیار ہے۔