جیٹ فیول کی قیمت میں 3 روز کے دوران 9 روپے سے زائد اضافہ

ملک میں جیٹ فیول کی قیمتوں میں تین روز کے دوران 9 روپے فی لٹر سے زائد کا اضافہ ریکارڈ کیا گیا ہے، جس کے بعد جیٹ فیول کی نئی قیمت بڑھ کر 355 روپے 52 پیسے فی لٹر تک پہنچ گئی ہے۔ ایئرلائن اور ایوی ایشن ذرائع کے مطابق یکم سے 3 اکتوبر کے دوران جیٹ فیول کی قیمت میں 9 روپے 5 پیسے کا اضافہ ہوا ہے۔ اس اضافے سے ایئرلائنز کے آپریشنل اخراجات میں خاطر خواہ اضافہ ہو گیا ہے، اور ایوی ایشن کمپنیوں کی جانب سے فضائی سفر کے ٹکٹ مہنگے کیے جانے کا بھی عندیہ دیا گیا ہے۔