جی سیون ممالک نے ڈیزل کی قیمتوں میں کمی کیلئے اتفاق کر لیا: فرانسیسی صدر

فرانس کے صدر ایمانوئل میکرون نے اعلان کیا ہے کہ گروپ آف سیون (G7) ممالک کے رہنماؤں نے عالمی سطح پر ڈیزل کی بڑھتی ہوئی قیمتوں میں کمی لانے اور توانائی کے بحران پر قابو پانے کے لیے مربوط انداز میں کام کرنے پر اتفاق کیا ہے۔ انہوں نے سماجی رابطے کی ویب سائٹ ایکس پر اپنے بیان میں بتایا کہ ریفائنریوں کی پیداواری صلاحیت کو بڑھانے کے لیے پالیسیوں کو مزید لچکدار بنایا جائے گا تاکہ ایندھن کی فراہمی میں بہتری لائی جا سکے۔

صدر میکرون کے مطابق، بین الاقوامی توانائی ایجنسی (IEA) کی نگرانی میں دیگر عالمی شراکت داروں کے ساتھ مل کر آئندہ چار ماہ کے اندر سٹریٹجک ذخائر سے 100 ملین بیرل تک تیل جاری کیا جائے گا۔ انہوں نے اس بات پر بھی زور دیا کہ G7 ممالک ایسے تمام اقدامات سے گریز کریں گے جو اتحادی و شراکت دار ممالک کے درمیان ایندھن اور پٹرولیم مصنوعات کی آزادانہ تجارت و تبادلے میں رکاوٹ کا باعث بن سکتے ہو