معاون پائلٹ نے طیارے کے کپتان پرحملہ کیا، سعودی اور اماراتی ابتدائی تحقیقات میں انکشاف

سعودی عرب اور متحدہ عرب امارات کی جانب سے کی جانے والی مشترکہ ابتدائی تحقیقات میں فلائی دبئی کی پرواز کے حادثے سے متعلق اہم پیش رفت سامنے آئی ہے۔ تحقیقاتی رپورٹ کے مطابق فضا میں پرواز کے دوران معاون پائلٹ نے اچانک طیارے کے کپتان پر حملہ کر دیا تھا۔ دورانِ پرواز دونوں پائلٹوں کے درمیان ہونے والی شدید جھڑپ کے نتیجے میں دونوں زخمی ہو گئے تھے، جس کے بعد طیارے کو تبوک ایئرپورٹ پر ایمرجنسی لینڈنگ کرنی پڑی اور دونوں کو فوری طبی امداد کے لیے تبوک کے مقامی ہسپتال منتقل کیا گیا تھا۔

طبی امداد ملنے کے بعد اور حالت بہتر ہونے پر دونوں پائلٹس کو تبوک سے ابوظہبی روانہ کر دیا گیا ہے۔ اماراتی حکام کا کہنا ہے کہ ابوظہبی پہنچنے کے بعد حملہ کرنے والے معاون پائلٹ اور کپتان دونوں سے واقعے کے پیچھے چھپے اسباب، محرکات اور تفصیلی حقائق جاننے کے لیے مزید قانونی و تفتیشی اقدامات کا آغاز کر دیا گیا ہے۔