فیئر فورڈ ایئر بیس سازش کی تحقیقات، 27 سالہ برطانوی ایرانی شہری گرفتار

برطانیہ میں شاہی فضائیہ کے ‘فیئر فورڈ ایئر بیس’ (RAF Fairford) سے متعلق مشکوک سازش کی تحقیقات کے سلسلے میں ایک 27 سالہ برطانوی ایرانی شہری کو لندن سے گرفتار کر لیا گیا ہے۔ میٹروپولیٹن پولیس کے مطابق گرفتار شخص پر دہشت گردانہ کارروائیوں کی منصوبہ بندی اور ان کی تیاری کا شدید شبہ ہے۔ برطانوی سیکیورٹی حکام اس معاملے میں کسی غیر ملکی ریاست کے ممکنہ ملوث ہونے سمیت متعدد زاوئیوں اور پہلوؤں سے تفتیش کر رہے ہیں۔

برطانیہ نے امریکہ کے ساتھ مل کر اس ملٹری بیس کے خلاف ممکنہ سازش اور انٹیلی جنس خطرات کی مشترکہ تحقیقات شروع کر دی ہیں۔ دوسری جانب ایران نے اس سازش اور گرفتاری میں اپنے ملوث ہونے کے تمام برطانوی الزامات کو مکمل طور پر بے بنیاد قرار دیتے ہوئے مسترد کر دیا ہے۔ اس ضمن میں تہران میں برطانوی سفیر کو ایرانی وزارتِ خارجہ طلب کر کے ان بے بنیاد الزامات پر سخت احتجاج بھی ریکارڈ کرایا گیا ہے۔