یو اے ای میں تعینات پاکستانی سفیر شفقت علی خان آرمینیا کے پہلے سفیر مقرر

متحدہ عرب امارات (UAE) میں تعینات پاکستانی سفیر شفقت علی خان کو آرمینیا کے لیے پاکستان کا پہلا غیر مقیم (Non-Resident) سفیر مقرر کر دیا گیا ہے۔ اس اہم پیش رفت کے بعد سفیر شفقت علی خان نے آرمینیا کے دارالحکومت میں آرمینیا کے صدر کو اپنی سفارتی اسناد (Credentials) پیش کر دی ہیں۔ اس موقع پر انہوں نے آرمینیا کے وزیرِ خارجہ ارارات مرزویان سے بھی تفصیلی ملاقات کی اور دونوں ممالک کے درمیان دوطرفہ تعلقات کے فروغ پر تبادلہٴ خیال کیا۔

واضح رہے کہ پاکستان اور آرمینیا نے 31 اگست 2025ء کو تاریخی قدم اٹھاتے ہوئے باضابطہ طور پر سفارتی تعلقات قائم کرنے کا اعلان کیا تھا۔ سفیر شفقت علی خان کی بطور پہلے سفیر نامزدگی اور اسناد پیش کرنے کے اس عمل کو دونوں ممالک کے درمیان سفارتی اور اقتصادی روابط کی استواری میں ایک اہم سنگِ میل قرار دیا جا رہا ہے