جنگِ ستمبر کے ہیرو میجر عزیز بھٹی شہید کا 61واں یوم شہادت آج منایا جا رہا ہے

ستمبر 1965ء کی جنگ کے عظیم ہیرو اور پاکستان کے اعلٰی ترین عسکری اعزاز ’نشانِ حیدر‘ سے سرفراز میجر راجہ عزیز بھٹی شہید کا 61 واں یومِ شہادت آج عقیدت و احترام سے منایا جا رہا ہے۔ 6 اگست 1928ء کو ہانگ کانگ میں پیدا ہونے والے راجہ عزیز بھٹی نے قیامِ پاکستان کے بعد ضلع گجرات کے آبائی گاؤں لدیاں میں سکونت اختیار کی اور 1948ء میں پاکستان ملٹری اکیڈمی میں شمولیت اختیار کی۔ 1950ء میں پی ایم اے کے پہلے ریگولر کورس سے پاس آؤٹ ہوتے وقت انہیں شمشیرِ اعزازی (Sword of Honor) اور نارمن گولڈ میڈل کا اعزاز ملا۔

1965ء کی پاک بھارت جنگ کے دوران میجر عزیز بھٹی نے بی آر بی (BRB) نہر لاہور کے محاذ پر بطور کمپنی کمانڈر اور آبزرور (OP) دشمن کی پیش قدمی کو تنِ تنہا روکے رکھا۔ مسلسل چھ شب و روز بھوکے پیاسے رہ کر انہوں نے بھارتی فورسز اور ٹینکوں کو بھاری نقصان پہنچایا۔ 12 ستمبر 1926ء کی صبح بی آر بی نہر پر دشمن کی نقل و حرکت کا جائزہ لیتے ہوئے بھارتی فوج کا ایک گولہ ان کے سینے پر لگا اور وہ جامِ شہادت نوش کر گئے۔ مادرِ وطن کے دفاع میں لازوال شجاعت پر انہیں 23 مارچ 1966ء کو نشانِ حیدر سے نوازا گیا۔ برسی کے موقع پر شہید کی مزار پر پھولوں کی چادریں چڑھائی گئیں اور پاک افواج سمیت پوری قوم کی جانب سے شاندار خراجِ عقیدت پیش کیا