میر رضا قتل کیس: مقتول کا کرپٹو کرنسی کا 6 ماہ کا ڈیٹا مل گیا

معروف تاجر میر رضا کے قتل اور تنازع کیس میں اہم پیش رفت سامنے آئی ہے، جہاں نیشنل سنٹر فار سائبر کرائم انویسٹی گیشن (NCCIA) نے ملزم میر رضا کی کرپٹو کرنسی ٹرانزیکشنز اور والٹ کا چھ ماہ کا تفصیلی ڈیٹا حاصل کر لیا ہے۔ ذرائع کے مطابق یہ اہم مواد تحقیقاتی کمیٹی اور تشکیل دیے گئے جوڈیشل کمیشن کے سپرد کر دیا گیا ہے، جبکہ سندھ پولیس نے کرپٹو ڈیٹا کے تکنیکی تجزیے اور پیچیدہ بلاک چین ٹرانزیکشنز کو سادہ الفاظ میں ڈی کوڈ کرنے کے لیے این سی سی آئی اے کے ماہرین سے رسمی معاونت مانگ لی ہے۔

دوسری جانب ترجمان سندھ پولیس نے میر رضا کیس کی فرانزک رپورٹ سے متعلق وضاحت جاری کی ہے، جس میں واقعے میں استعمال ہونے والے اسلحے اور متعلقہ ڈیلر کی شدید غفلت کی نشاندہی کی گئی ہے اور اس کے خلاف قانونی کارروائی کی سفارش کی گئی ہے۔ پولیس حکام کا کہنا ہے کہ واردات میں استعمال ہونے والے نائن ایم ایم پستول کی برآمدگی کے بعد جائے وقوعہ سے ملنے والے خولوں اور گولیوں کا فرانزک میچنگ کا عمل دوبارہ کیا جائے گا تاکہ تمام سائنسی شواہد کو کیس فائل کا حصہ بنایا جا سکے۔