صوبہ ہزارہ کے قیام کے لیے سیاسی قائدین کا مشترکہ جدوجہد کا اعلان
Web Desk
7 September 2026
ایبٹ آباد/ حویلیاں: ہزارہ کے سیاسی و سماجی قائدین نے صوبہ ہزارہ کے قیام کے لیے تمام تر تحفظات کو بالائے طاق رکھتے ہوئے ایک مشترکہ اور فعال جدوجہد کا باضابطہ اعلان کر دیا ہے۔
حویلیاں میں منعقدہ ایک اہم اجلاس اور بعد ازاں میڈیا سے گفتگو کرتے ہوئے وفاقی وزیر اور مسلم لیگ (ن) کے سینئر رہنما سردار محمد یوسف نے کہا کہ صوبہ ہزارہ کا قیام وقت کی اہم ضرورت اور ہزارہ ڈویژن کے عوام کی آواز ہے۔ انہوں نے واضح کیا کہ یہ مطالبہ کسی ایک شخص یا سیاسی جماعت تک محدود نہیں بلکہ کروڑوں عوام کی دیرینہ خواہش اور حق ہے، جس کی تکمیل کے لیے تمام سیاسی جماعتوں کو ایک ہی پلیٹ فارم پر متحد کیا جائے گا۔
اجلاس کے دوران صوبہ ہزارہ تحریک اور تحریک صوبہ ہزارہ کے رہنماؤں نے مشترکہ حکمتِ عملی پر مکمل اتفاق کیا۔ اس موقع پر مسلم لیگ (ن) کے رہنما مرتضیٰ جاوید عباسی اور سردار گوہر زمان نے تحریک کے بانی بابائے ہزارہ بابا حیدر زمان مرحوم کی خدمات اور التزام کو خراجِ تحسین پیش کیا جنہوں نے اس تحریک کی بنیاد رکھی۔ رہنماؤں کا کہنا تھا کہ آئندہ کا لائحہ عمل باہمی مشاورت سے طے کیا جائے گا اور آئینی و سیاسی طریقہ کار کے تحت اس جدوجہد کو منطقی انجام تک پہنچایا جائے گا۔
متعلقہ عنوانات
ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی
16 November 2026
جے شاہ دوسری مدت کیلئے بلامقابلہ آئی سی سی چیئرمین منتخب
16 November 2026
تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک
16 November 2026
کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار
16 November 2026
آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی
16 November 2026
13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور
16 November 2026
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026