خواجہ آصف کا بیان مایوس کن، وفاقی حکومت واضح کرے یہ حکومتی پالیسی ہے یا ذاتی رائے: شرجیل میمن

سندھ کے سینئر وزیر شرجیل انعام میمن نے وفاقی وزیر دفاع خواجہ آصف کی جانب سے نئے صوبوں کی تشکیل سے متعلق دیے گئے بیان کو انتہائی مایوس کن قرار دیا ہے۔ انہوں نے وفاقی حکومت سے باضابطہ مطالبہ کیا ہے کہ وہ فوری طور پر یہ واضح کرے کہ خواجہ آصف کا بیان وفاقی حکومت کی سرکاری پالیسی کی عکاسی کرتا ہے یا پھر یہ ان کی ذاتی رائے ہے۔ شرجیل میمن نے کہا کہ وفاقی وزراء کی ایسی غیر محتاط بیان بازی صوبے کے خلاف سیاسی جارحیت کے مترادف ہے۔