لاہور سمیت بڑے شہروں سے میئر کا عہدہ ختم کرنے سے بلدیاتی نظام کمزور ہوگا: سعد رفیق

پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے اسلام آباد، لاہور اور دیگر بڑے شہروں سے میئر کا عہدہ ختم کرنے کی تجاویز اور اقدامات پر شدید تحفظات کا اظہار کیا ہے۔ سوشل میڈیا پر اپنے ایک جاری کردہ بیان میں انہوں نے کہا کہ میئر کا عہدہ ختم کرنے سے ملک میں مقامی حکومتوں کا نظام مفلوج اور کمزور ہو کر رہ جائے گا۔ خواجہ سعد رفیق نے خبردار کیا کہ یہ اقدام عوامی نمائندوں کے بجائے بیوروکریسی کے عمل دخل اور اختیارات کو غیر ضروری طور پر مضبوط کرنے کے مترادف ہو گا، جو کہ جمہوریت کے بنیادی روح کے منافی ہے۔