پی ایم ڈی سی کا غزہ کے فلسطینی میڈیکل و ڈینٹل طلباء سے متعلق اہم فیصلہ

پاکستان میڈیکل اینڈ ڈینٹل کونسل (PMDC) نے غزہ کے متاثرہ فلسطینی میڈیکل اور ڈینٹل طلبہ کی پاکستان میں تعلیم اور ٹریننگ سے متعلق اہم پالیسی واضح کرتے ہوئے باقاعدہ سرکلر جاری کر دیا ہے۔ پی ایم ڈی سی کے اعلامیے کے مطابق غزہ کے فلسطینی طلبہ کو پاکستان میں صرف انسانی ہمدردی کی بنیاد پر محدود کلینیکل ٹریننگ (Clinical Training) کی اجازت ہوگی، جبکہ انہیں ہاؤس جاب، پوسٹ گریجویٹ ٹریننگ، رجسٹریشن یا میڈیکل لائسنس جاری کرنے کی اجازت بالکل نہیں دی جائے گی۔ کونسل نے ملک بھر کے تمام میڈیکل اور ڈینٹل اداروں کو ہدایت کی ہے کہ وہ اس پالیسی پر سختی سے عملدرآمد یقینی بنائیں اور فلسطینی یا دیگر غیر ملکی طلبہ سے کسی قسم کا ایسا نیا وعدہ نہ کریں۔