مکہ معاہدہ پاکستان کی سفارتی تاریخ میں اہم سنگ میل ہے: ملک احمد خان

سپیکر پنجاب اسمبلی ملک احمد خان نے ایک تقریب سے خطاب کرتے ہوئے کہا ہے کہ ‘مکہ معاہدہ’ پاکستان کی سفارتی تاریخ میں ایک اہم اور تاریخی سنگ میل کی حیثیت رکھتا ہے۔ انہوں نے زور دیا کہ یہ معاہدہ پاکستان کی عالمی سطح پر دفاعی اور سفارتی اہمیت کا واضح اعتراف ہے۔

سپیکر ملک احمد خان نے کہا کہ پاکستان، سعودی عرب اور ترکیہ کے درمیان بڑھتا ہوا دفاعی تعاون باہمی اعتماد اور احترام کی مضبوط بنیادوں پر قائم ہے۔ انہوں نے عالمی اور علاقائی صورتحال پر گفتگو کرتے ہوئے کہا کہ اس وقت دنیا میں طاقت کا توازن انتہائی تیزی سے تبدیل ہو رہا ہے، اور موجودہ حالات میں اجتماعی سلامتی کے جامع نظام کے ذریعے ہی خطے میں پائیدار امن کو یقینی بنایا جا سکتا ہے۔