آزاد کشمیر کی ترقی کے ایجنڈے کو آگے بڑھایا جائے گا: وزیراعظم شہباز شریف

وزیراعظم محمد شہباز شریف سے وفاقی وزیر امورِ کشمیر و گلگت بلتستان انجینئر امیر مقام اور چیئرمین وزیراعظم یوتھ پروگرام رانا مشہود احمد خان نے الگ الگ ملاقاتیں کی ہیں۔ ملاقات میں امیر مقام نے آزاد کشمیر میں حالیہ انتخابات اور جاری ترقیاتی منصوبوں پر تفصیلی بریفنگ دی، جس پر وزیراعظم نے ان کی کارکردگی کو سراہتے ہوئے اعادہ کیا کہ قائد نواز شریف کے وژن کے تحت آزاد کشمیر و گلگت بلتستان کے عوام کی خوشحالی حکومت کی اولین ترجیح ہے۔ دوسری جانب رانا مشہود نے وزیراعظم کو یوتھ پروگرام کے تحت نوجوانوں کو جدید تعلیم، ہنر اور روزگار کی فراہمی کے منصوبوں پر بریفنگ دی۔ وزیراعظم شہباز شریف نے ہدایت کی کہ نوجوانوں کو ملک کا قیمتی اثاثہ سمجھتے ہوئے ڈیجیٹل معیشت اور کاروبار سے متعلق تمام ترجیحی منصوبوں کے دائرہ کار کو مزید وسعت دی جائے اور ان پر شفاف و تیز رفتار عملدرآمد یقینی بنایا جائے۔