این ڈی ایم اے کا آئندہ 72 گھنٹوں کے لیے ملک گیر الرٹ: بالائی علاقوں میں شدید بارشوں، لینڈ سلائیڈنگ اور سیلاب کا خدشہ

قومی ڈیزاسٹر مینجمنٹ اتھارٹی (NDMA) نے آئندہ دو سے تین روز کے دوران گلگت بلتستان، آزاد کشمیر، خیبر پختونخوا اور پنجاب کے بالائی و شہری علاقوں میں تیز ہواؤں اور گرج چمک کے ساتھ موسلادھار بارشوں کے باعث شدید سیلابی صورتحال کا الرٹ جاری کر دیا ہے۔ این ڈی ایم اے کے مطابق 72 گھنٹوں میں پہاڑی علاقوں میں لینڈ سلائیڈنگ اور دریاؤں بالخصوص سندھ، کابل، سوات، جہلم، چناب اور راوی سمیت ندی نالوں میں طغیانی کا شدید خدشہ ہے۔ نوشہرہ، پشاور، راولپنڈی اور اسلام آباد کے نالہ لئی اور دیگر نشیبی علاقوں میں اربن فلڈنگ کے خطرے کے پیش نظر تمام متعلقہ اداروں کو ہائی الرٹ رہنے اور حساس مقامات پر پیشگی حفاظتی و انخلا کے انتظامات مکمل کرنے کی ہدایت کی گئی ہے۔ این ڈی ایم اے نے شہریوں، سیاحوں اور مسافروں کو ندی نالوں اور دریا کے کناروں سے دور رہنے اور غیر ضروری سفر سے گریز کرنے کی ہدایت کی ہے