راولپنڈی: اڈیالہ جیل میں بانی پی ٹی آئی سے ملاقات کا وقت ختم، پی ٹی آئی رہنماؤں کی ملاقات نہ ہو سکی

راولپنڈی کی اڈیالہ جیل میں بانی پاکستان تحریک انصاف (پی ٹی آئی) سے ملاقات کے طے شدہ دن پر وقت ختم ہونے کے باعث کسی بھی رہنما کی ملاقات نہ ہو سکی۔ اڈیالہ جیل آنے والے رہنماؤں میں احتشام کیانی، سیموئیل یعقوب اور ملک طارق ریکھی شامل تھے، جن کے ہمراہ پروین رحمانی، چوہدری ساجد اور محمد عرفان بھی موجود تھے۔ پولیس نے اڈیالہ جیل کی طرف جانے والے تمام رہنماؤں کو داہگل ناکے پر ہی روک لیا، جس کے بعد ملاقات کا وقت ختم ہونے پر پی ٹی آئی رہنما بغیر ملاقات کیے ہی واپس روانہ ہو گئے۔