کنگ چارلس سے پاکستانی کرکٹ ٹیم کی ملاقات، محسن نقوی سے کرکٹ اور امن پر گفتگو

پاکستان کرکٹ ٹیم نے چیئرمین پی سی بی اور وفاقی وزیر داخلہ محسن نقوی کی قیادت میں برطانیہ کے بادشاہ چارلس سے شاہی خاندان کی تاریخی رہائش گاہ کلیئرنس ہاؤس میں ملاقات کی۔ تقریب کے دوران کنگ چارلس نے پاکستانی کھلاڑیوں، ٹیم آفیشلز اور چیئرمین پی سی بی سے گفتگو کی، جہاں انہوں نے کرکٹ کے علاوہ پاکستان میں انسدادِ دہشت گردی اور امن و امان کی بحالی کی کوششوں پر تبادلہ خیال کیا۔ اس موقع پر برطانوی ہائی کمشنر نے بھی خطے میں امن کے لیے پاکستان اور محسن نقوی کے کردار کی تعریف کی۔ محسن نقوی نے ملاقات کو انتہائی مفید قرار دیتے ہوئے کہا کہ بادشاہ چارلس نے کھلاڑیوں کی حوصلہ افزائی کی اور پاکستان کی امن کوششوں کو سراہا، جس کے بعد وہ برطانیہ سے وطن واپس روانہ ہو گئے۔