وفاقی کابینہ نے اسلام آباد میں مقامی حکومتوں کے نظام کی منظوری دے دی

وفاقی کابینہ نے اسلام آباد میں مقامی حکومتوں کے نئے بلدیاتی نظام کی منظوری دے دی ہے، جس کے تحت وفاقی دارالحکومت کو تین کونسلوں میں تقسیم کیا جائے گا اور ہر کونسل کا ایک الگ میئر ہو گا۔ منظور شدہ ڈھانچے کے مطابق ہر کونسل 21 ارکان پر مشتمل ہو گی، جبکہ جنرل کونسل میں خواتین اور اقلیتی برادری کو بھی نمائندگی دی جائے گی تاکہ مقامی حکومت میں تمام طبقات کی شمولیت کو یقینی بنایا جا سکے۔ اسلام آباد مقامی حکومتوں کا یہ بل منظوری کے لیے قائمہ کمیٹی برائے داخلہ میں پیش کیا جائے گا، جس کے بعد اسے حتمی منظوری کے لیے سینیٹ اور قومی اسمبلی میں بھیجا جائے گا۔