عدالتی فیصلے خوش آئند ہیں، تناؤ کے خاتمے اور بانی پی ٹی آئی کے علاج کے لیے سیاسی ڈائیلاگ ضروری ہے: بیرسٹر گوہر

راولپنڈی اڈیالہ جیل کے باہر میڈیا سے گفتگو کرتے ہوئے چیئرمین پی ٹی آئی بیرسٹر گوہر خان نے اسلام آباد ہائیکورٹ کے فیصلے کو خوش آئند قرار دیتے ہوئے عدالتی احکامات پر عملدرآمد کا مطالبہ کیا ہے۔ انہوں نے واضح کیا کہ 27 ستمبر کے پرامن احتجاج کا مقصد کسی سے تصادم یا وسائل کا استعمال نہیں بلکہ انصاف اور آئینی حقوق کا حصول ہے، جس کی قیادت وزیراعلیٰ سہیل آفریدی کریں گے۔ ان کا کہنا تھا کہ بانی پی ٹی آئی 3 سال سے قید ہیں اور اعتماد کی فضا بحال کرنے کے لیے انہیں فوری ہسپتال منتقل کر کے علاج اور بیٹوں سے واٹس ایپ پر بات کی اجازت دی جائے۔ بیرسٹر گوہر نے مزید کہا کہ پی ٹی آئی نے ہمیشہ ملکی مفاد اور سفارتی کامیابیوں کا احترام کیا ہے لیکن اگر ڈائیلاگ کے دروازے بند رکھے گئے تو عوام خود سسٹم ری سیٹ کر دے گی، اس لیے ریاست کو تناؤ ختم کر کے بات چیت کا راستہ اختیار کرنا چاہیے