وزیر خارجہ اسحاق ڈار کی عباس عراقچی سے ملاقات، باہمی امور پر تبادلہ خیال

بشکیک/اسلام آباد: شنگھائی تعاون تنظیم (SCO) کے سربراہی اجلاس کے موقع پر پاکستان کے نائب وزیراعظم اور وزیرِ خارجہ سناتور اسحاق ڈار نے ایران کے وزیرِ خارجہ عباس عراقچی سے ملاقات کی ہے، جس میں دوطرفہ تعلقات اور علاقائی امور پر گفتگو کی گئی۔

ترجمان دفترِ خارجہ کی جانب سے جاری کردہ بیان کے مطابق دونوں رہنماؤں کے درمیان یہ ملاقات کرغزستان کے دارالحکومت بشکیک میں ایس سی او سمٹ کی سائیڈ لائنز پر ہوئی۔ ملاقات میں دونوں ممالک کے وزرائے خارجہ نے باہمی دلچسپی کے متعدد شعبوں، تجارتی و سفارتی روابط اور مشرقِ وسطیٰ کی تازہ ترین سیکیورٹی صورتحال پر تفصیلی تبادلہ خیال کیا۔

قبل ازیں، نائب وزیراعظم اسحاق ڈار نے بیلاروس کے وزیرِ خارجہ سے بھی ایک الگ دوطرفہ ملاقات کی۔ ترجمان دفترِ خارجہ کے مطابق بیلاروسی ہم منصب کے ساتھ ہونے والی اس گفتگو میں پاک بیلاروس تعلقات کو فروغ دینے، صنعتی و تجارتی تعاون کو وسعت دینے اور علاقائی و عالمی امور پر باہمی ہم آہنگی بڑھانے کے عزم کا اعادہ کیا گیا۔