اسلام آباد ہائیکورٹ: بانی پی ٹی آئی اور بشریٰ بی بی کو طبی سہولیات، اخبارات اور کتابیں فراہم کرنے کی ہدایت

اسلام آباد ہائیکورٹ نے جیل حکام کو ہدایت کی ہے کہ بانی پاکستان تحریک انصاف (پی ٹی آئی) کو روزانہ کی بنیاد پر اخبارات اور کتابیں فراہم کی جائیں۔ اپنے فیصلے میں عدالت عالیہ نے حکم دیا ہے کہ بانی پی ٹی آئی اور ان کی اہلیہ بشریٰ بی بی کو جیل رولز کے مطابق تمام ضروری طبی سہولیات بھی فراہم کی جائیں۔ ہائیکورٹ نے سپرنٹنڈنٹ اڈیالہ جیل کو ان تمام عدالتی ہدایات پر سختی سے عملدرآمد یقینی بنانے کا حکم دیتے ہوئے بانی پی ٹی آئی اور بشریٰ بی بی کی جانب سے دائر کی گئی درخواستوں کو ان ہدایات کے ساتھ نمٹا دیا ہے