اسلام آباد ہائیکورٹ: بانی پی ٹی آئی اور بشریٰ بی بی کی جیل قیدِ تنہائی کیخلاف درخواستیں قابلِ سماعت قرار

اسلام آباد ہائیکورٹ نے پاکستان تحریک انصاف (پی ٹی آئی) کے بانی اور ان کی اہلیہ بشریٰ بی بی کو جیل میں قیدِ تنہائی میں رکھنے کے اقدام کے خلاف دائر درخواستوں پر فیصلہ سنا دیا ہے۔ عدالت عالیہ کے جسٹس خادم حسین سومرو نے محفوظ شدہ فیصلہ سناتے ہوئے ان درخواستوں کو سماعت کے لیے قابلِ قبول قرار دیا۔ اسلام آباد ہائیکورٹ نے نصرت بھٹو کیس اور بیگم شمیم آفریدی کیس کے تاریخی فیصلوں کی کی روشنی میں ان درخواستوں کی قابلیتِ سماعت کو برقرار رکھا۔ واضح رہے کہ بانی پی ٹی آئی کے لیے ان کی ہمشیرہ علیمہ خانم اور بشریٰ بی بی کے لیے مبشرہ مانیکا نے جیل میں قیدِ تنہائی کے نامناسب حالات کو چیلنج کرتے ہوئے درخواستیں دائر کی تھیں۔